成功簽證

今日第二次去領事館，如果唔係第一次唔記得交錢，都唔使黎第二次，根本可以一次搞掂。

而家要做既係決定幾時過去美國。我自己反而唔想咁快過去，因為我想去多一次短宣先過去，過到美國有成四年時間無得去短宣，講到尾都係因為去過短宣，我先至會決定去美國讀書，我想臨走前去多一次，將個感動再一次深入我個心入面。

12月又會有短宣，18-22號都係去泰國bamboo school。如果時間許可既話，我都想去多一次。