「你係得架」

「你係得架」呢句說話我聽過好多次，
好似中學既老師，到而家做野既老細都有同我講過，
你話係隨口講下咩，我覺得唔多似，
因為佢地同我講過不下數次，
但係我始終都唔係好明，
究竟我得，係得0的咩呢？
點解我從來都唔發覺自己得？
唔通係我唔夠自信？(我承認呢點)
抑或係你地覺得我得既野，晌我既層面覺得係理所當然呢？
今日老細又同我傾計，
佢話連助理總幹事都話「雖然Kenny係唔夠smart，但係我見佢都做得既架喎」
助理總幹事見過我既次數，都唔知夠唔夠10次。
你可以話佢只係講0的官腔既說話，
但係佢講呢句既時候係同我老細開會之前，
我相信官腔極有限。
究竟我既能力係晌邊到，又可以去到幾高呢，
我到而家都未知，
呢0的野真係只有天知道！