回應一個朋友的好意

自從「犯罪學?定係TESOL?」呢篇寫完之後就有朋友叫我唔好誤會警察.
我講既係事實,仲上晒報紙,又何來誤會呢?

你話少數負面事件就係事實,咁警察俾人吐口水,俾人侮辱,俾人問候娘親就唔係事實?
係!呢0的都係事實,但係請問市民點解需要警察呢?不是正因為有這些人的出現嗎?
正因為有呢0的人,所以先至要有警察!
如果唔係警察來承受這些事,那麼何種職業才需要承受這些事呢?

你話因為某報紙高層俾警察捉之後才有那麼多負面新聞.
我話但係醜聞一直都有
你也承認這一點
而以我個人理解你字面上的意思是想帶出一個信息是:如不是那高層的事件,根本市民就不會知道有醜聞,縱使是知道一直有醜聞也不致於知道得那麼多和那麼仔細
你可以否認(咁我就真係唔知點解你要講呢件事俾我知),
但如果我的理解是事實,咁點解你會將醜聞被揭發的責任賴落個高層到既?
難道你認為市民無權知道個事實?難道你認為醜聞就可以不了了之?
其他職業都還可以既,但係政府工就唔可以
因為政府係為人民服務既,市民有權知道政府既一切,包括醜聞
市民都希望警察真的可以做到公平,公正和公義

你又話而家已經有除衫搜身的制度
很好,但也是在被人揭發,被立法會議員督促之後才會有的,
如果不是被揭發,難道你會認為政府,保安局或警察會有人提議修訂嗎?
I don't think so.
點解政府唔可以在被人揭發之前就先行修訂呢?
呢個咪就係警察唔尊重人權,政府無民主既結果囉

最後你同我講你所寫既野係無語氣既,叫我唔好以為你發脾氣
但係點解你反而叫我冷靜0的??????
我真係唔係好明,點解你有口叫人睇你既野係無語氣,你無口叫自己睇人0的野係無語氣既?
就當我當時真係有0的興,但係我都係為不公義既事而興
如果我身為基督徒,見到不公義既事都唔會發火既時候,我又點樣分公義同不公義,我又點樣行公義呢?

P.S.所有睇呢篇文既朋友,你地意會到係咩語氣就咩語氣啦
語氣並唔重要,重要既係你係唔係真係用心去聽人地既說話,或者去睇人地既文章呢?
同埋我都唔會介意人地點睇我,我著重既始終都係上帝點睇我