犯罪學?定係TESOL?

好耐都冇寫日誌,今次就為寫而寫
經過一年時間既考慮,早前終於都決定左揀Teachers of English to Speakers of Other Languages(TESOL)黎讀.

基於會返香港發展既原則下,一直都有兩個選擇犯罪學或者係TESOL.
犯罪學晌香港既前途都應該唔會離開紀律部隊(個人意願係警察).
但係我點解唔揀呢?

因為警察既醜聞.
呢兩年唔知點解好衰唔衰,竟然留意多左時事同政事,留意到原來香港唔係想像中咁好.香港既政治風氣唔講,單講警察既醜聞.
晌警察局既裡面竟然可以出現強姦案,犯案者仲要係警察.你會話呢個係個別事件.唔該唔好同我打官腔. 我係要指責個0的晌該警局當值既警察, 佢地個陣時點解唔阻止? 佢地係唔知,定係扮唔知呀?
仲有點解要一個八十幾歲既阿婆除晒衫搜身,又係個別事件呀!!
咁請問你要有幾多次先算唔個別呢?呢0的咁(禮義廉)既野,一單都嫌多啦,係唔係呀.
講得出係個別事件既人,你真係有資格晌香港做官呀!!
你會問咁我可以入去嘗試改變佢.你真係睇得起小弟.自問我就冇咁既能力喇!預防勝於治療,我去教書,教人獨立思維唔好?
所以我覺得如果我真係做左警察,就有違我黎美國讀書既主因 :

「世人哪、耶和華已指示你何為善。他向你所要的是甚麼呢。只要你行公義、好憐憫、存謙卑的心、與你的神同行。」（彌迦書6章8節）

不過原來好早之前我已經寫過要「踐行公義」，唔一定要做警察！點解我仲會有掙扎呢?呢個亦都係第二個原因.
為左啖氣......
我諗我咁講好多人都會知咩事,係!就係個件事!
但係我又點可以放得低?好簡單,上帝既計劃同個人意願相比,當然係上帝既計劃排首位啦!!
但係我又點知唔讀犯罪學係上帝既計劃?唔知架,我淨係知讀犯罪學就一定係我個人意願,而且我放棄讀犯罪學之後,成個人好似如釋重負,鬆左一口氣咁.做人何苦同自己作對呢?
而家我除左無左啖氣之外,仲要多得有咁既經驗,如果唔係我又點可以去到兩次短宣同到美國讀書呢?