30-01-2008

今日去左總部開職員大會...
有個特別環節就係歡送總幹事...
我做左B仔記唔係好耐...所以無特別既感受...
但係當我見到所有同工都企起身為總幹事鼓掌既時候...
我完成可以感受得到總幹事為左B仔記、為左兒童及青少年個種全心全意既付出...
如果唔係總幹事唔會得到所有同工既掌聲同尊重...
雖然我而家先至20出頭...
但係我又有冇一樣野係我全心全意咁付出過...
而又得到其他人既尊重同認同呢？
問心個句...我真係唔知道...
可能有些事情真的需要時間累積...
希望到我老左個陣...
起碼都有一件事係我全心全意咁付出過...
如果唔係我此生真係白過呀...

無題

今日全日都係開會...
仲要入到去元朗...每呼一口氣都冒煙咁...
可想而之個溫度係幾低...
不過我已經唔當係咩一回事...
只係著左一件長衫...
游冬泳我都試過...
而家區區寒意...我又點會放在眼內...

無題

上個星期日日都兩三點先(目訓)...
今日做番武術最基本既野......拉筋...
同埋練左一陣蔡李佛既散手~鋼掌
聽朝要入元朗開會...都係早(目訓)為妙...

以感恩為祭

Get this widget Track details eSnips Social DNA

主，為你的恩典，我要滿心感謝，
由泥內生機到變幻天氣，讓這世界各樣完備。
主，為你的恩手，我要滿心感謝，
由扶助拯救到試煉阻攔，導我按你正路前行。
我出生前你已深知我，到了今天亦有幫助，
為我備救恩召我出黑暗，做你聖潔國度人民。
主，為你的恩言，我要滿心感謝，
由提示安慰到責備管教，內裡有你愛念呈現。
主，為你的恩情，我要滿心感謝，
也要常思想晝夜數算，藉愛見證你大能。
你的安排往往多新意，你有豐賞亦會收取，
微細調配中讓我得益處，現我再看天恩處處。
神呀！你恩典太美妙神奇，配得萬眾稱善，
我要以感恩為祭獻給你，並永記念你作為。

未雨行動全港初中辯論比賽決賽

今日做左一日業餘攝影師...
令到我愛上左影相...

鳴謝(排名不分先後)：
香港保險業聯會(Shirley)
未雨行動計劃(Denny、Debbie、Carol、Ko)
傳訊部(馬儂、Jackie)
美術部(阿龜)
總部同工(華姐)
大角咀中心同工(永兒、Katy)
香港樹仁大學中文辯論隊(Pauline、Ivan)
義工(阿斌、鈞健)
--------------------------------------------------
特別嗚謝嘉賓評判(排名不分先後)：
兒童理財專家 林一鳴博士
香港大學中文學院導師 廖舜禧先生
香港教育學院中文學系副教授 馮樹勳博士
香港小童群益會助理總幹事 梁永宜先生
香港保險業聯會壽險總會委員 李少川先生
--------------------------------------------------
雖然今次活動唔係我統籌...
但係都好多謝各位嘉賓、同工、義工鼎力相助！！

25-01-2008

聽日就係辯論比賽決賽...
係07/08年度最後一個大型活動...
今次我再唔係做司儀...
而係做大會攝影師...
為左呢件事我特登問左阿聰借佢部八千幾蚊既相機...
要晌贊助商面前做一個業餘既攝影師...
自從做左呢份工真係上至統籌，下至茶水...
我都做過...
但係咁唔代表我特別做得野...
只係無人願意做...
我頂硬上姐......

無題

今日聽我督導講我地個計劃有好大機會由每年申請贊助變成3年申請一次贊助......
我第一時間就諗3年！唔係呀...如何大老細真係唔請人...我仲有機會走既！？
好容易就會3年之後又3年，3年之後又3年......
咁就一世架喇...
我真係唔會甘心...
究竟上帝要我點樣行前面條路...
而我又可以點樣行前面條路黎榮神益人呢？
我真係唔知......

無題

今日晌中心做到九點半先返屋企......
真係要檢討一下自己既工作效率呀......
再咁樣落去真係唔得掂呀......

無題

好想(目訓)覺呀...
琴晚做野做到三點...
(目訓)得3個鐘...
六點起身再做多兩個鐘先返工...
但係都仲未做完...
今晚又要捱夜喇...
幾時先至會做完套教案呀.........
幾時先至會做完本報告書呀.......

無題

今日我督導好凝重咁同我講左一番肺腑之言...
仲叫我"總之你以後小心0的啦！"
雖然我仲未正式同大老細交過手...
但係已經開始知道佢係一個極之保護自己既人...
不過即使係咁都好...
我都無有怕......
因為我有著萬軍之耶和華作為我腳前既燈，路上既光！

期待

今日見過負責緬甸短宣既葉姑娘...
原來今次短宣只有5個人...
緬甸個邊仲要無得打電話...
因為個邊一張由軍方認可既電話咭既價錢係2000美元......
相信大家都有睇新聞知道緬甸仰光既情況...
個邊係軍人統治...同埋而家唔俾5個人以上既聚會...
我地今次過去真係要非常依靠上帝既保守同帶領...
雖然我知道多左個邊既情況係咁艱難...
但係我仍然好渴望可以去到短宣...
唔好問我點解...因為我就係想去...

上帝是信實的

琴日我仲為我既前路苦惱緊...
今日父神已經俾左答案我......
原來我仲有一個選擇就係職位維持係助理項目經理......
但係工作就等於係項目經理既工作...
因為如果我仲係一個助理項目經理...
人地仲會體諒同諒解我...
但係如果我係項目經理...
咁就唔係呢回事喇......
我相信呢一個係最好既選擇...
而且責任同埋壓力都唔會咁大...
經過呢件事我明白到一樣野...
有時人可能會為左個名而去選擇擔任一個職位...
但係就無考慮過自己夠唔夠能力去做...
正所謂無咁大個頭，就唔好帶咁大頂帽...
有勇氣去承認自己既不足...呢一個先至係強者既行為...

無題

今日大老細叫左我入房傾計劃未來既團隊架構...
佢問我有無信心做計劃既項目經理...
我點答佢其實都唔係重點...
重點係如果我真係做左項目經理...
咁姐係話我要做到09年3月...做足一年先走得...
唉...對於未來既路向我已經越黎越唔清晰...
究竟我何去何從呢？
今日唔知聽日事...
我只有盡力做好眼前既野...活在當下...

無題

今日真係有驚無險呀~~
我督導同我講大老闆想今日將我督導既工作 hand over俾我......
好在大老闆最後都收回成命...
雖然我督導就黎調職...
但係都唔使咁快hand over俾我呀.......
我仲有好多野都未學架...
起碼都俾我做呢個助理項目經理做到3月啦.....
唔好咁快要我擔大旗呀......

無題

終於都趕起份報告書初稿喇......
今晚可以(目訓)一覺好架喇......

無題

琴晚就做到今朝早七點......
(目訓)得兩個鐘......
都未做完份報告書......
今晚又唔知要做到幾多點喇......

14-01-2008

今晚要做通頂趕起份研究報告書......
休blog一天......

無題

今日終於都交左份短宣表格喇......
呢次緬甸短宣為期8日......
費用係六千蚊...
值得俾既...
希望有得去啦......

WHAT'S YOUR DEEPEST FEAR

甚麼是我們最深的恐懼

----------------------------------------

我們最深的恐懼 並非怕自己力有不逮
我們最深的恐懼 而是怕自己無比強大
我們最恐懼自己的光芒 而非黑暗
故作卑微對世界無益
為了使他人感到自在
而讓自己弱小實在毫無意義
我們都該像孩童一樣發光發亮
這並非某些人獨有
而是凡人皆有的特質
當我們散發出自己的光芒
無意間也准許了其他人效法
我們從自我的恐懼中解放

所到之處也自然解放了其他人

----------------------------------------

WHAT'S YOUR DEEPEST FEAR

----------------------------------------

Our deepest fear is not

that we are inadequate.

Our deepest fear is that

we are powerful beyond measure.

It is our light, not our darkness

that most frightens us.

Your playing small

does not serve the world.

There is nothing enlightened

about shrinking

so that other people

won't feel insecure around you.

We were all meant to shine,

as children do.

It's not just in some of us,

it's in everyone.

And as we let our own light shine,

we unconsciously give other people

permission to do the same.

As we are liberated

from our own fear,

our presence automatically

liberates others.

無題

今日忙住做份研究調查報告書......
休blog一天~~

10-01-2008

今日同Denny , Debbie就住份08/09年度未雨行動既計劃書傾左兩個鐘......
要改既野俾我估計既少......
第一次寫計劃書都算係咁喇......
之後仲要俾人讚我做得唔錯......
其實想要一個人進步可以好簡單...
俾佢一點鼓勵就得架喇......
你可以唔同意......
但係至少我係咁既人......
我明白無論晌事業、學業、任何事情上面......
盡力去做好每一件事係每一個人既基本責任......
但係如果個個人係值得你去讚佢既話......
你講一句讚美既說話又何妨呢？
少一點理所當然
多一點讚美
呢個世界都會美好一點~~

無題

原以為研討會告一段落之後只需要應付研究調查報告書既撰寫工作......
誰不知更大既挑戰而家先開始......
我竟然要寫一份08/09年度未雨行動既計劃書初稿......
今次真係老鼠拉龜，唔知從咩地方落手......
雖然我知道呢個只係一個初稿，預左大改......
但係都有一定難度......
因為今次係我第一次寫計劃書......
不過話雖如此......
今晚我點都要搞掂呢份初稿架喇.......
因為聽日就要用........

麥克阿瑟為子祈禱文

掛住做英文同拉筋都唔記得寫日記添......
今日就分享一篇禱文啦~~
麥克阿瑟為子祈禱文
--------------------------------------------------
主啊！求你塑造我的兒子，
使他夠堅強到能認識自己的軟弱；
夠勇敢到能面對懼怕；
在誠實的失敗中，毫不氣餒；
在勝利中，仍保持謙遜溫和。
--------------------------------------------------
懇求塑造我的兒子，
不至空有幻想而缺乏行動；
引導他認識你，同時又知道，
認識自己乃是真知識的基石。
--------------------------------------------------
我祈禱，
願你引導他不求安逸、舒適，
相反的，經過壓力、艱難和挑戰，
學習在風暴中挺身站立，
學會憐恤那些在重壓之下失敗的人。
--------------------------------------------------
求你塑造我的兒子，
心地清潔，
目標遠大；
使他在指揮別人之前，
先懂得駕馭自己；
永不忘記過去的教訓，
又能伸展入未來的理想。
--------------------------------------------------
當他擁有以上的一切，
我還要禱求，賜他足夠的幽默感，
使他能認真嚴肅，
卻不致過分苛求自己。
--------------------------------------------------
懇求賜他謙卑，
使他永遠記牢，
真偉大中的平凡，
真智慧中的開明，
真勇力中的溫柔。
--------------------------------------------------
如此，我這作父親的，
才敢低聲說：「我沒有虛度此生。」

里程碑

今日終於都睇完舊約喇！！
Feel So Good~~
向新約邁進......
我要晌1月31日前睇完成本聖經一次！！

Just Do It

今日第一樣要做既野係買報紙...
跟進琴日既研討會有冇報紙報導...
買左8份報紙(星島、成報、大公報、文匯報、商報、蘋果同太陽)
有5份報紙(成報、星島、文匯報、太陽同大公報)有報導...
有咁既成績真係好意外！
我相信無人會估到有咁多報紙報導！
咁好既成績，人力係唔可能做到......
感謝上帝既帶領同保守...
--------------------------------------------------
今日返教會拎左一份短宣既表格...
今次短宣係晌三月中去緬甸仰光...
唔知點解我好有感動要報名...
所以報名表格我一定會交...
但係去唔去得成個話事權都係晌神到...
希望可以去得成啦！
--------------------------------------------------
今日團契做左個07回顧08展望既活動
各位團友既祝福我收到喇...
感謝大家！
我會用行動黎證明俾大家睇...
你地既祝福係唔會白費架！
大家拭目以待啦！

Just I Like

今日有人問我點解我以前話唔會開網誌？
而家又點解會開？
以前我係話過我唔會為任何人去開網誌！
皆因我係我，如果一個人連咁芝麻綠豆既事都要去迎合人....
如果做人做到要隨波逐流，咁既人生有咩意義呀？
同樣地，我今日開網誌亦都唔係為任何人去開！
你問我咁我寫網誌有咩目的？
呢條問題既答案就好似...
水德問我點解要08年1月1日開始寫網誌既答案一樣簡單...
Just~I~Like~!

「推行理財教育‧助兒童建未來」研討會

終於都告一段落......

鳴謝(排名不分先後)：

香港保險業聯會(Shirley)

未雨行動計劃(Denny、Debbie、Carol、Ko)

傳訊部(馬儂、Jackie)

美術部(李姑娘、阿龜)

總部同工(華叔、嫦姐)

大角咀中心同工(永兒、伍太)

義工(Denny太太、阿斌、鈞健、Gigi、蟹仔、Doreen、Sarah、Arnold)

--------------------------------------------------

特別嗚謝出席嘉賓(排名不分先後)：

兒童理財專家 林一鳴博士

天主教善導小學 馮國任主任

香港工商專業聯會執行委員會委員 龐愛蘭女士

香港小童群益會助理總幹事 梁永宜先生

香港保險業聯會壽險總會主席 王建國先生

--------------------------------------------------

(如以上名單有所遺漏，敬請見諒！)

是次研討會得以順利完成，有賴以上各位嘉賓、同工、義工鼎力相助！！

本人在此致以萬分謝意！！

無題

又再一次驗證這一句說話：「一件事情就算有最好的計劃，都不代表事情會順利進行。」
當以為搵齊義工，聽日既人手可以足夠之際......
點知傳媒竟然話有興趣做採訪...
仲希望搵一個上過財商教案既學生做訪問...
我知道既時候已經係夜晚10點半...
咁夜...我同督導都盡力搵
希望聽日傳媒黎採訪...
最後我督導都搵到一個...
不過就要用一個人手去接送個學生...
姐係話聽日既工作安排會好緊迫...
作為呢個活動既統籌兼司儀...
唯有今晚讀熟份司儀稿...
等聽日有多餘既時間應付突如其來既野啦~~

無題

今日有少少感冒...
不過好彩無喉嚨痛，如果唔係都唔知星期六點做司儀......
我督導成日都話一件事情就算有最好的計劃，都不代表事情會順利進行。
呢句說話真係講得好0岩...
你可以控制到自己既時間、工作進度...
但係就唔可能要求人地按時幫你完成文件....
後日就係研討會，仲有一兩份文件都未做最後修訂...
真係大大大獲呀......
神呀！請給我多一點時間......(今晚唯有做夜少少喇...)

無題

今日除左返工就係去補英文...

個份reading paper 終於都合格喇！

5月就會考喇......

得番4個月既時間，真係要再加把勁！

我要無悔咁面對呢次會考！

有信心未必一定會贏，但無信心就一定會輸！

仲有3日就係我負責統籌既活動「推行理財教育‧助兒童建未來」研討會舉行既日子...

晌到賣下廣告先...

請多多支持！！

新的一年，新的開始！

今年我用左一個好特別既方法黎迎接08年！
就係游~~冬~~泳~~喇！
今日9點去到集合地點，但係就10點幾先有得游...
而且仲要係晌落水之一下，臨危受命俾我個教練許sir叫我幫佢睇住個師妹游...
個師妹得8~9歲...我唔係想say no...
只係我驚游到一半上艇個個唔係個小妹妹...而係我炸！
因為今次係我第一次游冬泳...
不過原來一個人有左責任...個心態都會有變...
游個陣我不斷咁鼓勵個小妹妹...驚佢頂唔住...
話晒水溫得14度...仲要泳600米...你都咪話唔辛苦呀...
不過真係名師出高徒...出自許sir門下既個個都咁掂！
話咁快就游完600米...仲有個紀念包同埋一條毛巾↓

游完600米反而唔覺得倦，因為得個「凍」字...
之後下晝就去左大坑東同阿邦同埋其他何官同學打波...發覺大家都無咩點改變...
不過我都無咩點認真打...打完就搵阿邦陪我去波鞋街買波鞋...
買左一對非常之滿意既波鞋↓

呢對鞋滿足左我4個要求：

1. $500以內(用左$447黎買)
2. 要夠保護性(高筒鞋，適合中鋒、前鋒著)
3. 個底要夠厚
4. 要低調(黑色或灰色)

呢個08年既開始都開得幾好，感謝主！