緬甸話教學

由於技術問題相片仍在整理當中，請各位耐心等待！
今日教住大家緬甸話先，淨係學左13句(再一次班門弄斧！:p)

1.ming ga la ba = 意思等同「goodmorning、goodafternoon、goodevening」 (總之一見面就講)
2.你講喇 = 意思係「你好嗎」
3.你講吧嗲 = 意思係「我很好」
4.b be 喇 = 意思係「做完某樣野未」例如係飲完水未、洗完手未
5.0拿 尼 喇 = 意思係「明唔明」
6.p om ba = 意思係「微笑」
7.簡 簡 勒 = 意思係「好好味」
8.兜 兜 助 = 意思係「剁碎左既肉」
9.sa ya = 意思係「男教師」
10.sa ya 媽 = 意思係「女教師」
11.謝 su 掂 吧 呢 = 意思係「多謝、唔該」
12.mi da su = 意思係「一家人」
13.pe yeah the king 崗 之 b 爸 蛇 = 意思係「God Bless You」

唔明既話可以問我！
請大家耐心等待...(謝 su 掂 吧 呢)

禱告

禱告，因為我渺小；
禱告，因為我知道我需要明暸，你心意對我重要。
禱告，已假裝不了；
禱告，因為你的愛我需要；
你關懷，我走過的你都明白。

有些事我只想要對你說，因你比任何人都愛我；
痛苦從眼中流下，我知道你為我擦。
在早晨我也要來對你說，主耶穌今天我為你活；
所需要的力量你天天賜給我，你恩典夠我用。

留下的決定

去完個短宣，返到香港，第一件事要面對既係工作。
正如前特首董建華先生所說：「選擇離開需要勇氣，但選擇留下更加需要勇氣。」
仲明說得對，基督徒係唔會失敗既，因為佢地係會晌跌倒既地方企起身，靠著神再行過。
我要用行動去證明我今次再唔係悔而不改，為證明我係一個勇於認錯及改過既基督徒，所以我決定留低。
我明白到如果選擇離開就等於逃避問題，而逃避根本就唔係基督徒本色。
所以我寧願去面對問題，緊靠住上帝，改好所有工作問題。

短宣回歸

今次短宣既所見所聞所感受到既實在係太多太多...
唔係可以用三言兩語就可以講晒出黎...
暫時用四個字黎形容
不枉此行！！
之後我會將8日既短宣分開幾日黎寫...
請各位細心等待...

仰光短宣《前篇》

今日崇拜個陣做司事，聽講道個陣好有得著...
講者係李清詞牧師...講題關於宣教...
佢講左一句說話...我好有同感同埋得到好大既鼓舞...
上帝不會呼召合資格既人；但係上帝會叫回應呼召既人合格！

以我為例，我何德何能可以去到仰光短宣...
唔係有$6000蚊就去得...
Coarl講得無錯，我可以去，全因為係上帝揀選左我！
我自問唔係一個有資格既人，但係上帝就令到我合格可以去到短宣！
合格所指既唔只係靈命上...知識上...金錢上...
仲有既係時間上...健康上...等等好多既因素...
睇返轉頭...其實上年12月既短宣我都有感動想去...
但係因為工作既關係唔可以晌個段時間放假...
而個種想去短宣既感動...個種非去一次短宣不可既心情又與日俱增...
促使左我報名去仰光短宣...
難道你會認為我唔知仰光既情況好亂咩...
我知...但係我可以同你講...我到而家依一刻我都無一絲既恐懼...
因為我知道我只要緊靠住上帝...任何事情都可以迎刃而解...
但係點解上帝要我經歷想去而又去唔到既心情呢？
點解上帝要我去仰光而唔係去其他地方呢？
以我事後孔明既愚見...我覺得係因為上帝一早已經知道今次既仰光短宣好少人去...
而且只有姊妹報名...所以上帝就為佢地預備一位弟兄幫佢地搬物資...
而上帝就揀選左我...

事實上今次短宣只有5個人去...而我就係唯一一位既弟兄...
你可以話係巧合...就當係巧合...
但係去短宣之前都要填一份報名表...其中有一項係要填我感興趣或者係有信心做得好既事奉...
個陣我填左「唱詩歌，但係五音不全...」同埋「搬運物資」...
仲要寫得好細隻字，因為我覺得好慚愧，所以寫既字先會咁細隻...
我個陣真係唔知可以寫咩好...所以寫所有人都做到既野...
我交表個陣仲諗咁寫實無得去啦...但係又無理由唔交架...咁就交左表格...
之後認識左其他同行既姊妹，我更加係自慚形愧，因為其中一個姊妹係詩班既...我真係班門弄斧呀...

但係我而家先領略到上帝既安排原來係咁既一回事...我之前完全無諗到...
就係如果12月個次短宣我去得成！一行二十幾人...哪裡可以顯出身為弟兄的我的重要性...哪裡可以顯出我的「剛陽味」來...
如果我唔係因為去唔成12月個次短宣！我哪裡會有非去不可的心情呢！哪裡還可以維持好幾個月之久？我想不可能吧！
因為我知道我除左睇聖經有咁好恆心之外，係唔可能可以維持住個份火熱既心咁耐既！
呢個世界邊有咁多巧合呀！所有野真係上帝既安排！

而且仲有一樣野，就係有邊個弟兄會話自己感興趣同埋係有信心做得好既事奉係「搬運物資」架...我諗我係異數...其實我知我自己係幾鍾意體力勞動既...只係自己覺得體力勞動始終都唔係咩一回事同埋會俾人覺得好奇怪，所以一直都唔講出黎同埋扮被動搬野...
但係而家唔會喇！因為我知道，上帝俾我既其中一個恩賜就係體力勞動，我何樂而不為呢？
我以「體力勞動」呢份恩賜為榮！I AM PROUD OF IT！！

我記得有一個故事：
有一個好瘦弱既人，佢信左主之後，佢好想上帝差遣佢，
但係上帝叫佢淨係做一樣野，就係將一舊好重好重既大圓石推上山頂，
咁個個人就照做，點知因為佢太瘦弱喇！
推唔夠幾步舊石就碌番落山，但係佢都好聽話，每日繼續咁推...
過左好幾個月，佢終於都可以推到山頂附近喇！
但係，每次都係差少少，舊石就碌番落山腳...
撒旦就同個個人講：「上帝玩你架炸！推舊石上山有咩作為呀？更何況邊有可能推得上山頂架！放棄啦！上帝根本就唔想用你！」
雖然個個人都覺得推舊石上山真係無咩作為可言，但係佢無放棄到...
終於有一次佢推到上山頂喇！佢就問上帝：「點解你要我咁做？」
上帝就俾左塊鏡佢...
個個人一望，睇到鏡中人唔係佢自己...
上帝就話：「我而家可以用你喇！」
原來個個人已經由一個排骨精搖身一變變左一個大隻佬！

之前我同自己講過：
我知道今日既我係仲未裝備好，
晌神既計劃裏面可能仲係一名坐緊冷板凳既球員，
但係我會以正選球員為目標,盡力裝備好自己，
直到神話：「KENNY！到你落場喇！」

但係原來上帝已經晌我不知不覺間叫左我落場！
感謝主，哈利路亞！！

無題

今日去左金巴崙練波...
出奇地多人...但係都練到好累...
返到屋企做埋少少公司野...
就要做英文喇...
聽朝要補英文又要執去短宣既物資...
我連自己去仰光既野都未執...
時間好似多多都唔夠用咁......

14-03-2008

今晚去左補習...
每一次做完練習睇番分數...
又唔可以講係無進步既...
進步得少囉...
雖然都好似跟得上聆聽既說話速度...
但係我知係仲未夠架...
十分之期待星期六或者日同阿爸搬部跑步機返屋企...
部跑步機係佢朋友送既...
諗起我以後想跑步就跑步...完全無藉口俾我偷懶...
真係開心呀...

13-03-2008

今日計劃受教育局邀請去一個講座到分享財商教案
臨走個陣竟然見到以前教我世史既尹老師
同佢傾左一陣...
真係估唔到會晌咁既情況下見返中學老師
好彩都無失禮人...話晒我都係著西裝
今日終於都知道幾時出發喇
18號上午7點55分班機...
返黎個程仲可能要晌曼谷逗留一日...
希望我個日起到身啦...
不過我諗都係唔使(目訓)架喇...

ICQ狂想曲

雖然從太初我就認識你，但是，看著你的出生，心中實在欣喜，你終於有了你自己的UIN。滿懷著喜悅地send出將你add uesr 的request，system回覆說：Waiting Authorization。

誰知一等就等了十年﹑二十年，好幾次我send了message給你，也託其他的user send message給你，告訴你我多麼渴望與你有更親密的關係，但是依然音訊全無﹗

直到四十多年後的一天，當你經歷過工作上的挫折﹑人際關係的破裂，再加上婚姻亮起紅燈，你終於在一個佈道會中接受了我四十多年前send出的request。在我的list中，終於有了你的名字，我身旁的天使都快樂歡呼。

幾天後，我收到你的第一個message，心中何等欣喜﹗在之後的日子，也漸漸地定期收到，通常一天三次。可惜內容都是千篇一律：「謝謝我賜你飲食，求潔淨食物......」之類的。偶而也有一天只收到一兩次的，大概是因為你太餓了吧﹗不過我仍然祝福你所享用的。

一個月後，你終於主動地send一些不同內容的message給我，雖然內容不長，字句也有點生硬，像是別人教你寫的，不過我總是甜在心頭，畢竟，是你對我說的話。

知道你與我list中的其他user開始有chatting，而且內容偶而也與我有關，但我期待著你能與我直接對話，使我一個多月前send出去的chat request早日有回音。

兩三個月後的一個清晨，我突然收到你的回音，你告訴我你打算以後每天和我約好同樣時間見面，雖然每次都是短短幾分鐘。後來你失約幾天後，更將我們見面的時間改到午夜，這些我都不介意；只是有時候在chat的途中總是user is away，又或是我仍在說話時，就顯示：last user have left the chat。

我明白你工作疲累，又要準備下週團契的週會---但是，我仍然期待著下次與你約好的時間來臨。

有好一段日子，你再也沒有赴約，你的名字旁邊有顯示著"away"的符號。我send message關心你時，system顯示你的statue：「屬靈低潮」﹗我即時心如刀割﹗但，不論我如何send message給你或request chat，你總是沒有回音。我只好請我list中的其他user多關心你，希望我們早日能再恢復聯絡。

那難熬的日子終於度過了，你再次出現了﹗自此以後我們的話題漸漸增加，而且chatting內容的中心亦由你自己轉到別人身上。有時候你會告訴我教會弟兄姊妹所面對的困難，甚至是全球人民的苦況，我也與你分享遠處未聽聞福音者的需要。

這一天，你終於告訴我，你願意放下一切，去我與你提過的地方，並且努力鼓勵人回應我在他們出生時就send出去的add user request...

你今日回應了上帝的chat request沒有？
----------------------------------------------------------------------------------
呢篇文章我好耐之前已經睇過...
今日睇番...唔同既係我晌二十歲已經回覆左上帝既add user request...
不過仲停留係「通常一天三次。可惜內容都是千篇一律：「謝謝我賜你飲食，求潔淨食物......」之類的。偶而也有一天只收到一兩次的」呢個階段...
靈修又唔多穩定...
好多時都係明知要為，而不為之...
真係愧受上帝俾我既恩典...

11-03-2008

今日做到勁夜先收工...
完全係咎由自取...
好慶幸我有一個咁好既督導...
以前有好多人都同我講：「你得既...你得既...」
到而家我督導都話我：「你工作能力唔係弱架喎...」
工作能力唔弱...有個屁用！
工作態度完全唔掂個到斃呢...
淨係識得口裏逞強...
以前中學既壞習慣完全未改...
真係唔見棺材唔流眼淚...
而家自食其果...怨不得人...

無題

今日放工去左牛津道打波
雖然個場係第一次去
但係牛津道呢三個字勾起我一個哭笑不得既回憶
話說我中一第一日係搭保姆車返學既
無錯係保姆車
咁我梗係滿心歡喜咁上車啦
之後晌車上面我不斷咁見到有人落車
最後得番我一個
車上面個保姆問左我一句
係我估唔到佢會問既
佢問我「你讀邊間中學架」我話「何文田官立中學」
佢竟然同我講「我地唔經架喎」呢一句都未算經典
最經典既係保姆車個司機同個保姆佢地竟然話
「俾幾蚊你，你自己搭車啦，前面有車架喇」
佢地叫我落車既地方就係牛津道
當時我唔知點返學...淨係知點返屋企...點行返屋企
咁我就由牛津道行返去落山道...
一路行就一路喊...行左成個鐘先返到屋企...
之後阿媽就同我搭的士返學...
遲左成個鐘先返到學校...真係有史以來得一次...
自此以後我就選擇行路返學放學...
同埋只要個條路我係識行既話...我都會選擇行路...

08-03-2008

今日要返教會執短宣既物資
要將四個紅白藍膠袋執滿29kg
之後就傾下緬甸個8日既活動
準備左幾首詩歌、活動等等
原本以為好快就走得可以去練波
點知5點先走得
最後都無去到唯有返屋企做計劃書

今日有個壞消息
團契有姊妹個爸爸過左身，返左天家
雖然我知道「與哀哭的人要同哭」(羅馬書12：15)呢個道理
但係我仲未可以做到
我唯有晌用得著我既地方，盡力去做好...

今日我體會到傳福音既迫切性
當我晌屋企做緊野既時候
突然間有兩個保安扶住爸爸返屋企
我第一次見佢俾阿媽扶住黎行個陣係因為佢飲醉酒
今次我第二次見佢俾人扶住黎行
竟然係因為佢晌花園平台個到跌親
個保安話佢係頭暈同埋兩隻手不停抽筋十隻手指緊握拳頭放鬆唔到
我扶佢坐晌梳化...佢用一隻手晌另一隻手上面不停打圈...
個一刻我唔明佢想點...佢唔講野只係不停打圈...
我個陣成個人慌晒...唔知點好...
之後佢開聲...原來係想我將手指拉開...
過多無耐就扶佢入房(目訓)...
個刻我覺得自己好無能...咩都做唔到...
唯一可以做既就係打電話俾阿媽...同埋祈禱...
生命是何等的虛無縹緲...
由何處來，又往何處去呢？
目的何在，意義何在？
以上既問題係每一個人都唔可以逃避既...
面對死亡，
聰明人係會識得去預備既；但係愚昧人只會識得去逃避。
究竟你係聰明人定係愚昧人呢？

窩福運動日

今日教會晌民生書院搞運動日...
我只係幫團契跑4x100同4x400
得到亞軍同冠軍
獎品係別出心栽既旺旺燒米餅同雪米餅上面貼一張冠亞季軍紙
真係夠晒特別...哈哈哈...

無題

今日終於都做左篇英文作文...
拖左都幾耐下...
真係慚愧慚愧...

緊急救援電話

當你遇上以下情況，這些號碼比起 999 更有效 ！

當你憂傷時，請撥 約翰福音14章。
當你犯了罪，請撥 詩篇51章。
當你面對危難，請撥 詩篇91章。
當所有人都令你失望，請撥 詩篇27章。
當你覺得上帝離你好遠，請撥 詩篇139章。
當你的信心需要鼓勵時，請撥 希伯來書11章。
當你又孤單又懼怕時，請撥 詩篇23章。
當你擔憂時，請撥 馬太福音8章19-34節。
當你受傷害，心懷不平時，請撥 哥林多前書13章。
當你懷疑基督信仰時，請撥 哥林多後書5章15-18節。
當你覺得被遺棄被隔絕時，請撥 羅馬書8章31-39節。
當你尋找平安時，請撥 馬太福音11章25-30節。
當你覺得世界比上帝更大時，請撥 詩篇90章。
當你需要基督就像需要保險時，請撥 羅馬書8章1-30節。
當你出門遠行時，請撥 詩篇121章。
當你為自己禱告時，請撥 詩篇87章。
當你為投資與通漲晝夜思慮時，請撥 馬可福音10章17-31節。
當你心情低落時，請撥 詩篇27章。
當你的銀行戶口結餘是零時，請撥 詩篇37章。
當你對所有人失去信心時，請撥 哥林多前書13章。
當你覺得周圍的人不友善時，請撥 約翰福音15章。
當你失去盼望時，請撥 詩篇126章。
當你覺得世界比你小時，請撥 詩篇19章。
當你希望結出果子時，請撥 約翰福音15章。
使徒保羅擁有喜樂的秘訣，請撥 歌羅西書3章12-17節。
當你碰到很好的機遇或洞察先機時，請撥 以賽亞書55章。
當你想與其他人和睦相處時，請撥 羅馬書12章。

輔助號碼
面對驚恐，請撥 詩篇3章47節。
尋求保護，請撥 詩篇121章3節。
尋求保障，請撥 馬可福音8章35節。
尋求雙重保障，請撥 詩篇145章18節。

以上所有號碼都是直線電話，沒有接線生，沒有等候音效。
所有專線都是直通天堂、與父神直接對話，而且更是全日開放、全年無休。
只要好好保養你的信心，疑慮之心便會慢慢凋謝。

無題

今日有好多野要做...
將教案所有既powerpoint講義校對一次...
做一個教案既cd封面...
最後係搜集資料...
因為贊助商想我地大改個計劃書...
今晚要搵定資料聽朝開會用...

05-03-2008

今日竟然唔記得左有個短宣既聚會...
去到之後竟然要我再填多一次簽visa既表格(因為唔見左)...
仲等我係最早交個個...
星期六又有短宣聚會喇...
個日要將六袋物資變做四袋...
每袋有20~25kg...
真係唔知上機個日點算呀...

四個人(很有意思!)

值得一看,自我反省一翻

請耐心地細閱!
主旨:四個人
內容有點饒舌,但仔細看寓意還蠻深遠的喔!
人物介紹 -- 老闆 . 每個人 . 某個人 . 那個人 . 沒有人

第一幕
老闆將文件交給離門最近的"每個人"
"每個人"必恭必敬地收下
待老闆走後便將文件擺在一旁
開始聊天打屁做自己的事
咦...
時間差不多了
於是"每個人"便將文件交給"某個人"
之後灑脫的走了
"某個人"很無奈地看著文件
之後也收拾東西下班了
動也沒動 地將文件放在桌上
"那個人"一看大家都走了
可是老闆交代的工作都還沒做
只好默默地拿來獨自努力

第二幕
"那個人"不眠不休做到早上終於完成了
"每個人"與"某個人"也正巧來上班
看到完成了的作品便搶著拿給老闆交差
老闆在從"每個人"手中接過文件後
滿意地點點頭
又拿了一份文件給"每個人"
"每個人"必恭必敬地收下
待老闆走後便將文件擺在一旁
開始聊天打屁做自己的事
咦... 時間差不多了
於是"每個人"便將文件交給"某個人"
之後灑脫的走了
"某個人"很無奈地看著文件
之後也收拾東西下班了
動也沒動 地將文件放在桌上
"那個人"一看大家都走了
可是老闆交代的工作都還沒做
只好默默地拿來獨自努力
努力到一半心中感到相當不高興
為何屬於大家的工作要他一個人完成
一度站起來想放著不管
但他的責任心留住了他
又坐下來認命地完成

第三幕
"那個人"不眠不休做到早上終於完成了
"每個人"與"某個人"也正巧來上班
看到完成了的作品便搶著拿給老闆交差
老闆在從"每個人"手中接過文件後
滿意地點點頭
又拿了一份文件給"每個人"
"每個人"必恭必敬地收下
待老闆走後便將文件擺在一旁
開始聊天打屁做自己的事
咦... 時間差不多了
於是"每個人"便將文件交給"某個人"
之後灑脫的走了
"某個人"很無奈地看著文件
之後也收拾東西下班了
動也沒動 地將文件放在桌上
"那個人"一看大家都走了
可是老闆交代的工作都還沒做
只好默默地拿來獨自努力
努力到一半心中感到相當不高興
為何屬於大家的工作要他一個人完成
站起來想放著不管
但他的責任心讓他痛苦地抉擇著
最後"那個人"選擇了離去

之後"沒有人"出場默默地收拾著未做完的文件
靜靜地將文件放在桌上 後慢慢地離去

很多事總是"每個人"應該去做
但"每個人"總認為會有"某個人"去做
而最後卻又往往是"那個人"去做
不過"那個人"總有累的一天
最後便變成"沒有人"去做

你是"每個人"嗎
還是"某個人"呢
你曾關心過"那個人"嗎
希望大家都能疼惜自己的夥伴
不然夥伴也是會折舊的
看完後頗有感觸的

03-03-2008

今日為左整一條短片要搵一首純音樂...
用左李克勤個首開學禮...
一聽首歌真係百般滋味在心頭...
予欲無言...

無題

今日同andy去左巴富街練接捧...
因為下星期日係窩福既運動日...
我要跑4x100同4x400...
不過真係友誼第一...比賽第二...
大家都係旨在玩下...

01-03-2008

今日同班金巴崙既隊友去左荔枝角既街場打波...
原來佢地晌個到打波...
已經係無人夠膽過黎跟隊...
無可否認佢地係比一般街場既人勁...
無論係佢地既態度或者係基本功...
同佢地練波真係想偷懶都唔得...
因為佢地練波既態度係會影響到你由心而發咁搏晒老命咁跟住練...
仲要加埋施sir咁有heart既教練...
邊有唔進步既道理...
夜晚個陣阿爸帶左隻碟返黎...
講左一句「陳冠希呀...」
我同家姐都呆左...
之後家姐講笑咁講左句「你點做人老豆架~~」
三個人笑左一陣...
阿爸就話「車！又唔使錢既...更何況硬照黎姐...活動個隻人地仲燒緊俾我...」
真係無你咁好氣呀...